28.5c درجة الحرارة في بيروت
image

إلى روح الطفلتين فاطمة وجنى/بقلم سوسن سعيد بحمد

إلى روح الطفلتين فاطمة وجنى/بقلم سوسن سعيد بحمد ملّيت من كلمة يُتم ملّيت
بدونك يا بيي شو عتم هالبيت
جسمي احترق، قبلو احترق قلبي
من يوم يا بيي إنت فليت
قِلّي شو باقي بالوطن قلي
غير القهر والنار والقِلة؟
مشي يا إختي ع السما ت نفل
من دون كِلفة ومال هالفلة
إختي جنى يا رفيقة الأيام
نحنا اذا رحنا ما رح ننلام
إمي كواها الهم والآهات
ونحنا يا إختي زغار ع الأحلام
و بالمدرسة علم وشهامة كان
ومن اسمها كان الشرف عنوان
أحلى سنين العمر مرسومة
بصفوفنا وضحكات ع الحيطان
ورفاقنا لكانوا سوا معنا
وكان الفرح والحب مدمعنا
ضلوا ذكروا أيّامنا لمّا
صوت الرسالة كان يجمعنا
سوسن سعيد بحمد