28.5c درجة الحرارة في بيروت
أهم الأخبار:
image

غسان سعود يثني على محاضرة السيد نصر الله الرمضانية وينتقد الآخرين : الشهادة للحق بتعمل احراج اذا سلامه او غيرو مساعدهن في تهريب الاموال

غسان سعود يثني على محاضرة السيد نصر الله الرمضانية وينتقد الآخرين : الشهادة للحق بتعمل احراج اذا سلامه او غيرو مساعدهن في تهريب الاموال كتب الصحافي المعروف غسان سعود على صفحته تعليقاً على الكلمة الدينية التي ألقاها السيد نصر الله مساء، فقال سعود على صفحته على فيسبوك :
"الأمين العام لحزب الله السيد حسن نصرالله كل اربعا، الامين العام لhizb الله عم يعمل شي بمكن بسموه عظة دينية، ما فيها اي شي سياسة من قريب او بعيد..
للصراحة، أول مرة حشريتي خلتني احضر شوي.. نفس الحشرية يلي بتخليني ركز مع خطباء الجمعة بس كون بطرابلس يوم الجمعة تشوف شو عم يحكوا.. نفس الحشرية يلي خلتني غوص كتير منذ سنوات بعالم الصوفيين، وابني عصغر ثقافة واسعة باللاهوت المسيحي.
اول مرة كانت حشرية، تاني أسبوع واليوم كنت ناطر، لان الخبربة ما طلعت ابدا دينية بالمعنى التقليدي لكلمة دبنبة، انما المضمون عم يكون كتير اجتماعي، فيه غنى ثقافي هائل، مع تبسيط هائل كمان لانه كل الوقت بكون عم بحكي اذا نحن بالضيعة شو بنعمل، وانه مع جبرانا هيك وهبك، ومسؤولية كل فرد داخل عيلته ومع جيرانه وبضيعته.
انا حدا دارس علوم اجتماعية، يعني كتير بيهويني وبيستوقفني هلشي.. مضمون كتير متماسك وقوي بلغة سهلة وتبسيط يسمح لكل شخص انه يحسه عم يحكي معه..
قررت اكتب هلشي مش للتسويق ابدا، بس تقول انه كتير حلو لما رجال الدين، خصوصا المثقفين، يرجعوا يركزوا في عظاتهم على النصح الاجتماعي ويلعبوا الدور الاجتماعي المنوط بهم بهيدي المرحلة الصعبة كتير. الشهادة للحق، صعبة وبتعمل احراج اذا سلامة او غيره مساعدهم او مساعد اقربائهم في تهريب الاموال لكن مش هيدا الموضوع. بعيد عن السياسة، في دور اجتماعي انساني مهم لازم رجال الدين يلعبوه، مش عم يلعبوه. غالييتهم مش كلهم.
اليوم في دور كبير لرجل الدين، بكل مدينة وبلدة وضيعة؛ دور اجتماعي مش دور سياسي، دور أخلاقي.. معنوي.. تنظبمي وانساني.. ما ناقصنا رجال سياسة ولا رجال مصارف، يا ريت كل واحد يهتم بشغله الاساسي..
جريدة الأيام الإلكترونية. بيروت