• 1169
• 2023-08-27

كتائبي للنائب حنكش: وزير الثقافة الشيعي يمثلّني اكثر من “النائب الماروني” والرأي العام القوّاتي والكتائبي لن يقبل بمشاريعكم/ جريدة الأيام الإلكترونية

وجّه الإعلامي والباحث السياسي المنتمي إلى حزب الكتائب طومي الجميّل رسالةً صوتية إلى النائب الكتائبي إلياس حنكش جاء فيها:
”انا بعرف انت يمكن تقلي انو هالمادة يمكن ما خصها بالترويج وبمجتمع الميم لانو نحنا منعرف انو بكل دول العالم بلشت بهيك مادة وصار ينطلب اكتر واكتر واكتر، وانا وياك منعرف انو هالشي مطلوب منّا من ال IMF ، وانا وياك منعرف انو انتو متكلين على النواب السنّة والشيعة انو هني ما يقطّعوا هيدي المادة وتقولوا ما قطعت من النواب السنة والشيعة، بس مش هون المشكلة، هيدول منعرفن، المشكلة انو في رأي عام اليوم قرفان من هيدا الوضع، رأي عام خلينا نقول قوتجي كتائبي قرفان من هالوضع، والشباب اكيد مش رح يرضوا يتغير وج الحزب ويتغير وج مجتمعنا ونصير نحنا مجتمع ما عندو قيم وما عندو اخلاق، بعرف شو رح تقلي ورح قلك وبرجع بقلك هيدي مقدمة لتشريعات اخرى بدا تجي بعدان لانو رح ينطلب منكن تشريعات تانية وتالتة ورابعة، وانا بتعرف شغلة؟ انا بتعرف شو بحزّ فيي؟
انو وزير الثقافة الشيعي بمثلني اليوم اكتر من نايب ماروني لأنو حكي القيم يلي انا بآمن فيا ويلي ربيت عليا، مش قصة ربيت عليا، في مجتمع متل ما هوي وجيل متل ما هوي ربي عليا، وما رح نقبل ابداً انو تُمسّ هيدي القيم لو شو ما بدا تكلفنا، منطلع عالإعلام منطلع، مننزل عالطريق نتظاهر رح ننزل، نحنا عنا قيمنا وكنيستنا ومبادئنا، هيدول خط احمر ما منقبل حدا يدق فيهن".
وقد وصلت هذه الرسالة الى الوزير المرتضى فردّ عليها بتغريدة جاء فيها:
“عزيزي أ. الجميّل،
وزير الثقافة يشرّفه انّه يمثّلك ويمثّل كل لبناني واعي حرّ ومتمسّك بالقيم التي هي الركيزة الاساس والضمانة الصلبة لخلاص المجتمع اللبناني.
كل الإحترام لك ولمقاربتك ووعيك ومنطقك السديد…ونؤكّد معك ان السبب الموجب لهذا الوطن يتلخّص في ان نعيش فيه سوياً مسلمين ومسيحيين وان تكون قيمنا الجامعة هي الركائز المتينة لمجتمعٍ انساني صالح… هذا هي نظرتنا إلى المسألة اما “هم” فمن حيث يدرون او لا يدرون يخدمون مشروع الصهيونية التي تستهدف لبنان وتجهد لأن يخسر قيمه وصيغة العيش معاً لأنّه النقيض لإسرائيل العنصرية المتهتّكة الساقطة اخلاقياً والتي لا راحة لها-كما قال الأب جورج حبيقة الرئيس الفخري لجامعة الكسليك- قبل ان تقضي هي ومن وراءها على قيمنا وعلى الصيغة اللبنانية النقيضة لها.
لبنان باقٍ بقيمه وصيغته الفريدة امّا مشاريعهم فساقطة مثلها مثل اصحابها مأجورين كانوا ام مضلَلين.”
ورد الجميل على منصة أكس بالقول:”معالي الوزير بتشكرك على موقفك … ومعركتنا مستمرة مع كل لبناني شو ما كانت طايفتو او انتمائو الحزبي لنحفاظ على قيم مجتمعنا”
المصدر:المنار + منصة إكس

• علامات:
• مجتمع