الاعلامية زينب عواضة تعلّق على كلام طارق تميم حول حجاب المرأة الجنوبية / جريدة الأيام الإلكترونية
عم احضر مقطع طارق تميم. هيدي مش سقطة هيدا تعدي عالحرية الشخصية لكل إمرأة لها الحرية في أن ترتدي ما تشاء.. لن أدافع عن المرأة المحجبة ولن أعطي أمثلة لأبرر وجودها في الجنوب فالمحجبة في لبنان حلقت بعيداً في نجاحاتها ماضياً وحاضراً ولكن لفتني قول المذيعة "طيروا الجيولوجيا" ما فهمت شو يعني؟ إذا قصدها علم الانسان بالمجتمعات بتكون "انتربولوجيا" وإذا قصدها علم السكان بتكون "ديموغرافيا" بس أكيد مش جيولوجيا.. أخذت هالمثل تحديداً لقول لطارق تميم أنو هالمذيعة الأمورة ما أسعفها فستانها تتكون مثقفة مثلاً كما يجب..! وبالتالي مش الفستان هو اللي بيخلي الناس بتفهم أو ما بتفهم.. حلوين أو ما حلوين.. عندن أخلاق أو ما عندن أخلاق.. لهيك ما نحط معايير للناس حسب شكلن!
في كتار محجبات ومش محجبات مناح ومثقفات وعندن أخلاق وفي كتار العكس بس المعيار مش الشكل المعيار هو الطابق الفوقاني إذا شغال أو لا يعني المنطق وتوابعو وفهمكم كفاية!
المصدر : تويتر
- علامات:
- مجتمع